Կատարիր պնդումների փնջից 10 փունջ։ Անդրադարձիր սխալներիդ (էջ 240)։
11․
- Բոլոր դիմավոր բայերն ունեն դեմք, թիվ, ժամանակ, եղանակ: ճիշտ է
- Պարզ դիմավոր ձևերի վերջավորություններն արտահայտում են և՛ թվի, և՛ դեմքի քերականական իմաստ։ ճիշտ է
- Բաղադրյալ դիմավոր ձևերը կազմվում են անորոշ, հարակատար դերբայներով և օժանդակ բայով: սխալ է
- Հարկադրական և ենթադրական եղանակների բայերը թե՛ դրական, թե՛ ժխտական խոնարհման դեպքում կազմվում են ըղձական եղանակի ձևերից: սխալ է
- Դրական խոնարհման դեպքում օժանդակ բայը նախադասության մեջ միշտ դրվում է ձևաբայից հետո, իսկ ժխտական խոնարհման դեպքում`ձևաբայից առաջ: սխալ է
- Հրամայական եղանակն ունի մեկ դեմք, երկու ժամանակաձև։ սխալ է
12․
- Նախադասության ներդրյալ միավորներ են կոչականները, կապերը, վերաբերականները։ սխալ է
- Կոչականը միշտ շեշտվում է, եթե անգամ նախադաս կամ հետադաս լրացում ունի: սխալ է
- Ամբողջ նախադասությանը եղանակավորող վերաբերականները կապվում են ստորոգյալի հետ: ճիշտ է
- Նախադասության ոչ բոլոր ներդրյալ միավորները կարող են հանդես գալ նախադաս դիրքում: ճիշտ է
- Նախադասության ներդրյալ միավոր չեն համարվում ձայնարկությունները: սխալ է
- Թերի նախադասությունները չեն կարող ներդրյալ միավոր ունենալ: սխալ է
13․
- Նախադասության գլխավոր անդամները կապակցվում են համաձայնությամբ և խնդրառությամբ: սխալ է
- Բացահայտիչը և բացահայտյալը կապակցվում են խնդրառությամբ։ սխալ է
- Հոլովական և խոնարհման վերջավորությունները նախադասության մեջ կատարում են կապակցման միջոցի դեր: ճիշտ է
- Մասնական բացահայտիչը հոլովով համաձայնում է բացահայտյալին, որոշիչ հոդ չի ընդունում: ճիշտ է
- Մասնավորող պարագայական բացահայտիչը բացահայտյալին երբեմն համաձայնում է, երբեմն`ոչ: ճիշտ է
- Եթե ենթական ունենում է երկու կամ երկուսից բարձր թվական որոշիչ, ապա և՛ ենթական, և՛ ստորոգյալը կարող են դրվել թե՛ եզակի, թե՛ հոգնակի թվով։ ճիշտ է
14․
- Ստորադաս նախադասությունները լինում են ենթակա և ստորոգելի, գոյականական անդամի և բայական անդամի լրացումներ: ճիշտ է
- Ստորոգելի ստորադաս նախադասությունը փոխարինում է գերադաս նախադասության ստորոգյալին: սխալ է
- Որոշիչ ստորադաս նախադասություն ունեցող գերադաս նախադասությունը ունենում է ձևական որոշիչ, որն արտահայտվում է այն, այնպիսի, այնքան, այնպես հարաբերյալներով: սխալ է
- Ուղիղ խնդիր ստորադաս նախադասություն կարող է ունենալ միայն այն գերադաս նախադասությունը, որում ներգործական սեռի բայ կա: ճիշտ է
- «Այդ մարդը հուսահատվեց նրանից, որ հերթական գործարքը ձախողվեց» բարդ նախադասության ստորադաս նախադասությունը ներգործող անուղղակի խնդիր է: սխալ է
- Զիջման պարագա ստորադաս նախադասությունը գերադասին կապվում է ըստ, չնայած, թեև, թեպետ, թեկուզ շաղկապներով: սխալ է
15․
- Ստորոգյալները լինում են երկու տեսակ`պարզ և բաղադրյալ: ճիշտ է
- Պարզ ստորոգյալի մեջ եմ–ը օժանդակ բայ է, բաղադրյալ ստորոգյալի մեջ`ոչ: ճիշտ է
- Բաղադրյալ ստորոգյալում հանգույցի դեր են կատարում միայն լինել, դառնալ, թվալ բայերը: սխալ է
- Որևէ խոսքի մասից և հանգույցից կազմված ստորոգյալը բաղադրյալ է: ճիշտ է
- «Զինվորի կոչումը հայրենիքին ծառայելն է» նախադասության ստորոգյալը պարզ է: սխալ է
- Ստորոգելին արտահայտում է հատկանիշ, հանգույցը կատարում է վերագրում: ճիշտ է
16․
- Պարագաներն արտահայտվում են միայն գոյականի հոլովաձևերով և մակբայներով: սխալ է
- Գործողության հետ կապված առարկաները կոչվում են պարագաներ: սխալ է
- Ձևի պարագան կարող է արտահայտվել դերբայական դարձվածով: ճիշտ է
- Պարագաները լինում են տեղի, ժամանակի, ձևի, միջոցի: սխալ է
- Ձևի և չափի պարագաներն արտահայտվում են նյութական իմաստ արտահայտող բոլոր խոսքի մասերով: սխալ է
- Պես կապով կարող են կազմվել թե՛ ձևի, թե՛ ժամանակի պարագաներ։ ճիշտ է
17․
- Պարագաները ցույց են տալիս գործողության հատկանիշներ և հանգամանքներ։ ճիշտ է
- Գոյականը տեղի պարագա կարող է դառնալ միայն կապերի հետ: սխալ է
- Զիջման պարագան բոլոր դիրքերում նախադասության մյուս անդամներից անջատվում է բութով: սխալ է
- Բոլոր պարագաները կարող են ունենալ մասնավորող պարագայական բացահայտիչ: սխալ է
- Չափի պարագան արտահայտվում է միայն չափի մակբայներով: սխալ է
- Պարագաները լրացնում են ոչ միայն ստորոգյալին, այլև անդեմ բայերին: ճիշտ է
18․
- Հայերենում կան ու, ե, ո վերջածանցներ և տ, չ նախածանցներ։ ճիշտ է
- Հայերենում կան ան, ի նախածանցներ, ինչպես նաև ան, ի վերջածանցներ: ճիշտ է
- Պար, ստոր, գույն, առ, տար, գին, ենթ, գեր ածանցները ունեն համանուն արմատներ։ սխալ է
- Վեր, նախ, հակ բաղադրիչները բառասկզբում միայն նախածանց են: սխալ է
- Ածանցը վերջավորությունից տարբերվում է նրանով, որ ածանցով նոր բառ է կազմվում, իսկ վերջավորությամբ` ոչ: ճիշտ է
- Հոգնակերտ որոշ մասնիկներ և ածանցներ ձևով նույնն են, այսինքն` համանուններ են: ճիշտ է
19․
- Փոխանվանաբար գործածվող բառերը կարող են հոլովվել արտաքին և ներքին հոլովումներով: սխալ է
- Բացառական հոլովը կազմվում է ից կամ ուց վերջավորություններով, ներգոյականը` ում վերջավորությամբ կամ բառի սեռական հոլովաձև գումարած մեջ կապ կաղապարով: սխալ է
- Հարակատար, ենթակայական և անորոշ դերբայները հոլովվում են ի արտաքին հոլովմամբ: սխալ է
- Հոգնակիով դրված բառի` այս կամ այն հոլովմանը պատկանելը որոշելու համար բառը անհրաժեշտ է դարձնել եզակի: ճիշտ է
- Ժամանականիշ բառերի մի մասը ենթարկվում է վա արտաքին հոլովման, իսկ ում, ություն ածանցներով վերջացող բառերը հոլովվում են ան արտաքին հոլովմամբ: սխալ է
- Բացառական հոլովով դրվում են անջատման, ներգործող, միջոցի անուղղակի խնդիրները։ սխալ է
20․
- Հայերենի բոլոր գոյականները հոլովվում են կա՛մ արտաքին ի, ու, ան, վա, ոջ, ց, կա՛մ էլ ներքին ա, n հոլովումներով: սխալ է
- Հոլովի կարգը բնորոշ է միայն գոյականներին, իսկ խոնարհումը` բայերին: սխալ է
- Գրական հայերենում գոյականի բոլոր հոլովները կարող են որոշիչ հոդ ստանալ: սխալ է
- Գործիական հոլովով դրվում են ներգործող, միջոցի անուղղակի խնդիրները, հիմունքի պարագան և այլն: ճիշտ է
- Կան գոյականներ, որոնք որպես հասարակ անուն, հոլովվում են մի հոլովմամբ, իսկ որպես հատուկ մեկ այլ հոլովմամբ: ճիշտ է
- Ի հոլովման ենթարկվում է գոյականների մեծ մասը, ինչպես նաև այլ հոլովումների պատկանող որոշ բառեր: ճիշտ է
Արշակ Առուստամյան 